“Nire aurkako akusazioek ez dute inolako funtsik, akatsak ugariak dira”

Zer moduz zaude animoz?

Ondo, pilak kargatuta. Etxea miatzen sartu zirenetik animoak eta indarrek gorabeherak izan dituzte, normala denez, baina oso garrantzitsua izan da Vane neskalaguna eta Lourdes arreba ondoan sentitzea, aita-amak ondo zeudela jakitea, eta hainbeste lagunen beroa eta babesa zituztela entzutea. Alde horretatik, esperientzia hunkigarria, errepikaezina -eta hobe errepikatzen ez bada, jakina- bizi ahal izan dut, eta oraindik nago sentipen horietan murgilduta, harrituta.

Zein baldintzatan ari zara etxeko espetxealdia betetzen?

Baldintzak ez dira txarrak, batez ere kartzelarekin konparatuta. Muga bakarra etxetik irteteko debekua da. 24 orduz egon behar dut etxean eta polizia edonoiz etor daiteke hemen nagoela egiaztatzera eta “autografoa” eskatzera. Nire jarraitzailerik fidelenak bihurtu dira, antza. Baina etxe barruan nahi dudana egin dezaket. Ez didate inoiz telefonorik edo internetik debekatu, baina kartzelan nengoen bitartean Vanek bere gurasoen etxera aldatu zuen konexioa, eta gainera mugikorra poliziaren esku dago oraindik, beraz, internet hona aldatu eta mugikorra lortu bitartean komunikatzea ez zen batere erraza. Hala ere, nola edo hala, Vane eta Jaime abokatuaren laguntzari esker Lourdesekin komunikatzea lortzen nuen.

Nolakoa izan zen atxiloketaren eguna?

Arraroa, denbora asko behar izan nuen gertatzen ari zitzaidana ulertzeko eta barneratzeko. Etxean nengoen, lasai, goizean idazten ari naizen eleberria lantzen. Miatzeko agindua zutela esan zidatenean, hainbeste polizia armatu ikusita, apur bat izutu nintzen, eta berehala eskuburdinak lotuta izatea ez zen oso samurra izan, baina hala ere lasai egon nintzen, ahal zen neurrian. Galderak egin arren ez zidaten ezer azaltzen, baina ni dena berehala bukatuko zela sinetsita nengoen; artean nahiko inozoa nintzen dena errakuntza zela pentsatzeko. Halako batean atxilotuta nengoela esan, eta beste norbaiten pelikulan sartu nindutela sentitu nuen.

Zure etxean lehergailuak egiteko materiala topatu zuela zabaldu zuen poliziak. Zer aurkitu zuten?

Ni etxean nengoela, ezer ere ez. Atxiloketaren arrazoiak galdetuta, bertan “topatutakoagatik” zela esan zidaten, eta orduan entzun nituen lehen aldiz “armak eta lehergailuak” berbak, poliziaren eskuak armairu gainera egiten zuten bitartean, keinu oso abstrakto batean. Baina erakutsi, ez zizkidaten inoiz delako gauza horiek erakutsi. Bitxia da, edo esanguratsua, komunikabideei ere inoiz erakutsi ez izana, ohi dutenaren kontra. Askoz beranduago izan dut fiskalaren karpetan argazkietan ikusteko aukera. Su-itzalgailua daukan supermerkatuko poltsa bat agertzen da nire logelako armairuaren gainean, begi bistan, su-itzalgailuaren zati bat agerian. Barregarria benetan, gau hartan bertan lehergailu bat jarri omen zuen gaizkigileak edonoren begi bistan uztea bere hurrengo bonba, inon ezkutatu gabe… Argi dago hori han jarri zuenak ez zituela formak gehiegi zaindu itxurak egiteko. Seguruenik beharrik ere ez zuela pentsatuko zuen.

Auzia argitzeko oztopo izan al da fiskalaren jarrera?

Hau guztia ezinezkoa izango zen fiskalak ni kartzelaratzeko grina izan ez balu, etxea miatzeko agindua emateko zeuzkaten “frogak” ere guztiz barregarriak direlako. B serieko gidoirik eskasenean ere ahalegin handiagoa egingo zuten arrazoi sinesgarriagoak aurkezteko. Nahi dituzten “datuak”, ni Euskal Herrian nengoen bitartean eztanda egin zuen lehergailua, esaterako, hartu, hortik izugarrizko irudimena behar duten loturak egin, eta haien ustez nire aurka erabil daitezkeenak baino ez dituzte aurkeztu; esanguratsuenak nire blogean idatzi nituen artikulu bi, haietako bat maputxeen eskubideen aldekoa. Beraz, bolbora arrastoak bilatzeko frogak ezezko emaitza eman zuenez, hobe zuten hori txostenean aipatu ere ez egitea. Baina irregulartasunek ez dute mugarik, benetan.

Hasieran egotzi zizkizuten erasoetako batzuk gertatu zirenean, Txiletik kanpo zeunden; hori frogatzen zuen dokumentazioa aurkezteko arazorik izan al zuen zure abokatuak? Zein traba izan du defentsak?

Hori frogatzeko ez zuen arazorik izan: zorionez nire pasaportea eskuan zeukan, eta horri esker libratu nintzen lege antiterroristatik, fiskalak horixe eskatu baitzuen. Lehergailuak jarri nituela defendatzea ezinezkoa zenez, akusazio hori baztertu eta leporatzen didaten bakarra norbaitek etxean jarri zidana edukitzea da, hots, arma eta lehergailuen kontrolerako legea urratzea. Defentsak izan zuen lehen arazoa eskatutako agiriak azken orduan ematea izan zen, eta hori dela eta, lehen epaiketa prestatzeko oso denbora gutxi izan zuen. Abokatu hark [Julio Landaeta] akats handiak egin zituen, izugarri kaltetu nindutenak; inoiz pentsatu dut horren atzean asmo ilunen bat ez ote zegoen. Baina abokatua aldatu eta kasua Jaime Madariagak hartu zuenean dena aldatu zen, goitik behera. Hala ere, oztopoak hor daude, atxilotu nindutenetik 56 egun joan direnean, oraindik ez dizkiotelako eskatutako guztiak eman: hatz marken frogak, bolbora aztarnenak, miaketa eguneko argazki guztiak… Badakite horiek denak nire aldekoak izango direla, eta horregatik atzeratzen ari dira, ahal beste.

Zer nolako tratua jaso duzu kartzelan?

Kartzelan tratua oso ona izan da. Jakina, kartzela ez da luxuzko hotela, hain zuzen ere, eta 64 lagunentzako komuna eta dutxa, leku bera eta bakarra dira, eta txandaka ibili behar da, bai erabiltzeko, bai logela garbi izateko… Baina barruko kideek harrera oso ona egin zidaten eta gendarmeek ere tratu ona eman didate, abegikorra, umoretsua… Horrek ere egoera erraztu du, bai niretzat bai maite nautenentzat, barruan hain txarto ez nengoela jakiteak lasaitasun apur bat eman dielako.

Hasieran Terrorismoaren aurkako Legea urratzea egotzi zizuten, gero Armen eta Lehergailuen Legea haustea, eta arriskutsua zinelakoan espetxeratu zintuzten; eta azkenik etxeko atxiloaldia ezarri dizute. Nola bizi izan duzu bilakaera hori?

Amorruz hasieran, hainbeste gezur entzunda ezin nuelako hitzik egin. Kargurik larrienak desagertzen zirela ikusita lasaiago, eta orain gogotsu, egin didatenaren amaieraraino iristeko. Oso barregarria da argudioak erabiltzeko duten modua. Badaezpadako espetxealdia eskatzeko argudioetako bat zen ez zekitela dirua nondik ateratzen nuen, eta ez neukala gizarte edo familia sustraitzerik Txilen. Alde batetik, eskualde honetako gobernadorea ni atxilotu eta berehala agertu zen telebistan, nire aurkako kereila jarriko zutela esanez, eta halaxe dago fiskalaren txostenean jasota; baina gobernadore horrek berak ez zituen erakutsi nik Txilen bizitzeko bisa eskatu nuenean aurkeztu behar izan nituen ziurtagiriak, haien artean, nire diru iturriak frogatzen zituztenak. Beraz, nire diru iturriak publikoak ziren, eta haiek eskura zeuzkaten, baina ez zitzaien komeni hori agertzea. Bestetik, ez zuten onartzen familia sustraitzerik, baina Vaneren etxea miatzeko agindua emateko arrazoi bakarra bera nire neskalaguna izatea izan zen. Azkenean, hori dena eta bakearen aldeko nire iragana frogatzeko gai izan ginenean, haiek nire inguruan eraiki nahi izan zuten irudi guztia deseginda geratu zen, eta horrela ulertu zuen epaileak ere.

Maputxeen eskubideen aldeko zure iritziak isilarazi nahi izan al dituzte?

Egia esan, hemen nagoenetik haien alde egin dudana ez da asko izan, baina dirudienez, nahikoa da keinurik txikiena egitea ere. Bakoitzak dagozkion dominak baino ez ditu jantzi behar, eta nik herri miresgarri horren alde egindako bakarra nire blogetan artikulu batzuk idaztea izan da. Oraindik asko daukat ikasteko eta interes handia neukan eta daukat, baina horixe izan da egin dudan apurtxoa: ikuspegi anarkistatik gatazkari buruzko iritzi xumea eman eta ikuspegi anarkista horretatik bertatik konponbiderako ideia batzuk plazaratu. Uste baino min handiagoa egin ei die, nire aurkako froga gisa, hain zuzen ere, artikulu horietako bat jarri baitute txostenean. Imajinatu zein larria zen idatzi nuena: azkenean Jaimek berak irakurri zuen nire aurkako frogatzat zeukaten testu hura, nire alde erabiltzeko.

Txilen, Euskal Herrian, Argentinan… aska zaitzaten eskatzeko ekimenak ugariak izan dira.

Bai, zur eta lur utzi nau piztu den mugimenduak. Txilen batez ere talde anarkistak mugitu dira, eta nire lagunek ahal izan duten guztia antolatu dute, batez ere kontzertuak, kartelak… Baina hemen komunikabideek kontrol zorrotza dute, komunikazioaren oligopolio itzela dago, eta hedabide ofizialetan batez ere bertsio ofizialak agertu dira. Euskal Herrian sortu denak, bestalde, erabat gainditu nau; oso hunkigarria da, kartzelara albisteak ekartzen zizkidan Vanek, eta neure begiz ikusi arte ezin nion benetako neurria hartu. Orain hasi naiz barneratzen, baina oraindik maiz isurtzen ditut malkoak irudi eta berba batzuk iristen zaizkidanean. Dabid eta Bermeoko lagunek Interneten egin dutena, eta Punkaminekoen eta Rafa Ruedaren eskutik musikaren mundua mugitzen ari dena ordainezina da. Guztiei esan diedanez, ez dut dirurik izango hainbeste garagardo ordaintzeko, kar, kar, kar. Argentinako lagunek ere babes eta maitasun handia eman didate: Diegok, Eusketxeko jendeak… espero nuenaren oso gainetik jardun dute eta hori ere oso hunkigarria izan da. Facebooken egindako lagunek ere zer ez dute mugitu nire alde egiteko! Victor Montes eta Blanca Asturiarrek, Jorge Maturi argentinarrak eta beste askok harreman “birtualak” ere zein sendoak izan daitezkeen erakutsi didate. Benetan, ez dago berbarik sentitu ditudan guztiak biltzeko.

Auziak nazioarteko oihartzuna izateak kaltetu al zaitu?

Ez dut uste; aitzitik, halakoetan ezinbestekoa delakoan nago. Batek baino gehiagok esan dit: “Jaso duzun babesa izan ezean, izorratuta egongo zinen, laguna!”. Oso bidegabea da, asko direlako asmatutako salaketengatik preso daudenak, eta babes hori lortzerik ez dutenak; askotan egin ez dutena aitortzeko beharrean daude, kartzelatik aterako badira. Neuri ere iradoki zidaten egin ez nuena aitortuz gero azkarrago aterako nintzela, baina argi izan dut ez zutela egia makurraraziko. Horretan, Euskal PEN klubaren lana, haien bidez nire kasua International PENek hartzea, Perez Esquivel Nobel Sariak, Ariel Dorfmanek edo Unai Elorriagak nire aldeko gutunak idaztea… erabakigarriak izan dira. Inoren ekarpena gutxietsi gabe, benetan den-denek izan dutelako izugarrizko balioa, modu batean edo bestean.

Euskal herritarra izateak eraginik izan al du akusazioetan, eta zuri buruz hedatutako aurreiritzietan?

Argi eta garbi. Txileko idazkariordeak aspaldi esan zuen Araukanian zeuden euskaldunak zertan zebiltzan ikertuko zutela, beraz, ez zait ezkutatzen aspaldi hasiko zirela ni ikertzen, zaintzen, jarraitzen… Jende askorentzat, Txilen zein beste leku batzuetan, euskalduna, anarkista edo maputxeen laguna izatea terrorista izatea da; eta atzerritarra, idazlea edo kazetaria dena susmagarria (eta arriskutsua) da. Ni ekuazio guztietan agertzen nintzen. Eta gainera hemen nengoen bitartean bolada batean gandor berdea izan nuen! Ezinezkoa zen ni herritar zintzoa izatea…

Eusko Jaurlaritzaren edo Espainiako Gobernuaren babesik jaso al duzu?

Nik dakidala ez. Espainiako Kontsulatuak bai, ahal izan duen neurrian babesa eman dit; ez da asko egin dezaketena, baina kezka agertu dute eta kasuaren jarraipena egiten ari dira. Hori da euskaldunok atzerrian erabil dezakegun erakunde bakarra, dirudienez iaztik hona Eusko Jaurlaritzak atzerriko ordezkaritzak kendu dituelako.

Zer berri duzu fiskalaren ikerketari eta epaiketari buruz?

Urtarrilaren 6an epaileak hiru hilabete eman zituen ikerketarako, beraz, fiskalak epea luzatzeko eskatzen ez badu, apirilaren 6an nire aurkako karguak zehaztu eta behin betiko akusazioa egin beharko du; orduan hasiko da epaiketa prestatzeko epea. Dena dela, Gobernuak Barne Ministroaren bidez, beste neurri bat hartu du, errugabetasun presuntzioa erabat zanpatuz: urtarrilaren 7an ni Txiletik kanporatzeko dekretua sinatu zuen. Horrek esan nahi du, errugabe zein errudun izan, kanporatuko nautela, dekretu horri ere aurre egitea lortzen ez badugu.

Zer espero duzu?

Zail badago ere, nire etxean agertutako gauzak nork jarri zituen frogatzea ez delako batere erraza, uste osoa daukat errugabe aterako naizela. Nire aurkako akusazioek ez dute inolako funtsik, eta txostenean bertan akatsak ugariak dira. Argi daukat nire aurka “ager” zitezkeen froga guztiak hor daudela; aurrerantzean agertuko diren froga berri guztiak, besterik asmatzea bururatzen ez bazaie, behintzat, nire aldekoak izango dira. Zailena kanporatze aginduari buelta ematea izango da, hor Estatuak nahi duena erabaki dezakeelako. Horretan ere, nazioarteko oihartzuna, presioa, nazioarteko erakundeen esku-hartzea… erabakigarriak izan daitezke.

Eta bukatzeko, aukera ematen badidazue, orriotatik munduko preso politiko guztiei helarazi nahi diet nire elkartasuna, batez ere, kasu honetan, Txilen dauden guztiei, ez baitira gutxi. Jendeari informatzeko bide alternatiboak erabiltzeko deia egingo nioke, munduan dagoen komunikazioaren oligopolioaren zaintza zorrotza apurtzeko.

Argazkia: Deia

BOFa prestatu eta gero, Nick Veenhofek aurkezten zuen Why does Solr shine so bright and more on Apache Solr/Lucene saiora joan gara. Saioan zehar, Apache Solr bilaketa zerbitzaria zela eta Apache Lucenerekin lan egiten zuela ikusi genuen, baita berarekin lan egitea DBei atsedena ematea zela. Drupalen ApacheSolr modulua ezagutu dugu, hala eta guztiz ere, askoz modulu gehiago daudela ikusiko genuen beranduago, adibidez Views edo ta Ubercartekiko integrazio moduluak, etab. Bitxikeri moduan, Nickek, drupal.org guneko orrialdeekiko atzipenen %50a Apache Solr-en bitartez gertatzen direla kontatu digu. Ondoren Drupal eta Solr lanean ikusi genituen, baita ere beraien ezaugarri ezberdinak: Bilaketa baten ondoren iradkoizunak ematea, lehentasunak kudeatzea, edukia aholkatzea (adib: Honen moduko artíkulu gehiago…), etab. Konfiguraziora ere sartu ginen, Solr-ek indexatzen dituen Drupalen eremuak konfiguratu daitezkelarik. Lehentasun sistema ere moldagarria da eta parametro ugariren arabera konfiguratu daiteke: Eduki baten dataren edo ta honek gordetzen dituen irudien, h2 eta h3 etiketen arteko testuen eta beste xehetasun askoren arabera. Lehentasun sistema hau kontutan hartuz, Solr-ek edukiak puntuatzen ditu. Azkenik, etorkizunean izango dugunaren zertxobait ezagutu dugu, Apache Solr zerbitzaria Drupal 7 eta Views 3rekin primeran integratuko dela jakinez. Solr zerbitzu bat ezarri nahi izatekotan, Apache Solr softwarea bera, Apache Tomcat bezalako servlet edukigailua eta Java makina birtuala behar izango ditugu, hortaz, Drupal instalatuta daukagun makinan ezarri dezakegu, edo ta beste host batean, aukera hau zuzenago iksuten dudalarik.

Saioa eta gero, Open Atriumi buruzko saioa eskeini zigun  Siddharta Navarro gerturatu zait eta bere saioa nola twiteatu nuen gustatu zitzaiola esan dit (apunteak twitter bidez hartzen nituen, honela, apunteak hartzen nituen momentuan mundu guztiarekin elkarbanatzen nituen) eta bere hurrengo saioetan tweet hauen edukia erabiltzeko baimena eskatu dit, eskerrak eman dizkiot, eta nola ez, tweet hoiek nahi duen guztia egiteko erabiltzeko esan diot. Coffee Breakera jaitsi gara eta gero Alfrescori buruzko BOFa hasi dugu BOFen gelan. BOF honetan ez da jende askorik agertu baina gure zalantzak argitzeko eta Drupal + Alfresco inplementazioa hobeto ezagutzeko balio izan digu. Emaitza, jasotako ezagutzatik aparte, laster integrazio honi buruzko post bat egongo dela da

BOFa eta gero DrupalCampSpain 2010eko azkenengo saio teknikoa izango zenera joan gara, Jorge López-Lagok aurkeztu behar zuen Drupal nice: diez módulos imprescindibles que desconoces saiora, interesgarria da betiere Drupalen inguruan dauden moduluen mundua ezagutzea. Aurkeztutako moduluek CMSaren administrazioa errazten zuten funtzionaltasun txikiak eskeintzen dituzte. Ikusi digutun moduluak, beste batzuen artean, hurrengoak izan dira: Change Password (erabiltzailearen pasahitza aldatzeko funtzionaltasuna beste orrialde batetara mugitzen du), ModuleInfo (Instalatutako moduluei buruzko informazioa erakusten du Drupalen instalatutako moduluen zerrendan), Administration Menu (CMSa administratzeko goiko menu bat gehitzen du), Masquerade (Administratzaileak sistemako erabiltzaile bat ordeztea ahalbidetzen du), Fieldset Helper (Goitibeherako fieldset baten egoera gordetzen du berau ixten dugunean, eremuetako datuak galdu gabe), Mail Logger (Drupalek bidalitako email guztiak aparteko tauletan gordetzen ditu), Devel (beste gauza batzuen artean, Drupalek egiten dituen SQL kontsultak erakusten ditu), Reroute Email (Drupalek bidalitzen dituen email guztiak atzeman eta aurrezarritako eposta helbide batetara berbideratzen ditu), Session Limit (Erabiltzaile batek sisteman ireki ditzaken aldibereko saio kopurua mugazen du), Automated Logout (Erabiltzailearen saioa ixten du jarduerarik gabeko denbora zehatz bat igaroz gero), Kill File (Zakarrontzia gehitzen du, erabiltzeaileak ezin dezake ikusi), Hint (Formularioko eremu bakoitzean laguntza-testu bat gehitzen du, bertan klik eginez gero desagertzen dena), Environment Indicator (Webgunearen alde batean koloredun zinta gehitzen du, ingurunea ondo identifikatzeko. Garapen, froga, produkzio eta beste motetako zerbitzariak ezberdintzeko), Add another (Nodo bat sortzean, aurrekoaren modukoa den nodoa sortzeko aukera eskeintzen digu), W3C Validator (W3Cko balioztatzaileak erabiltzeko eta webguneko orrialde guztiak balioztatzeko aukera ematen digu) , Transliteration (Edukietan gehitzen diren ez-ASCII karaktereak ezabatu edo ta HTML entitateekin ordezkatzen ditu), Override Node Options (Nodoen sorkuntza formularioetako egiletasun eta argitaratze ataletako eremu batzuetan baimenak ezartzea ahalbidetzen du.), Maxlength (Formulario batetako eremuen gehienezko luzera definitzea ahalbidetzen du) eta Email Registration (Posta elektronikoko helbidearen bitartez erabiltzailea sortzea eta honekin autentikatzea ahalbidetzen du).

DrupalCampeko azken egun honi amaiera emateko, azken saioa burutu da, agur-saioa. Honetan, inoizkorik DurpalCampSpain hoberena izan dela komentatu da, 350 partehartzailerekin Eskerrona adierazi zaie antolatzaileei, bolondresei, hizlariei, parte hartzaileei… Ostean liburu batzuk, PHP Conferencerako sarrera bi eta iPod Nano bat zozketatu ziren partehartzaileen artean, guri etzaigu ezer tokatu Jarraian hiru liburu zozketatu dira bolondresen artean. Azkenik, aretoan agurtu eta antolatzaileek Drupal Campeko merchandishinga erosteko gonbitea zabaldu digute, ekimena funantziatu ahal izateko. Gu konbentzitzeko, kamiseten inbertsioaren itzuleraren teoria kontatu digute. Teoría honen arabera, Drupal Campeko kamiseta bat erosi ezkero, atzerrian oporretan gure kamiseta harro erakusten ari garen bitartean, norbaitek hau ezagutu dezake, eta orduan pertsona hori Drupal komunitateko norbait ikusteaz asko poztuko da eta bazkaltzera gonbidatuko gaitu. Gertagaitza den arren, teoria dibertigarri eta irudimentsua da.

Citilabetik atera ostean, aireporturantz abiatu gara, Santseko geltokian geldituz bazkaltzeko, eta bueltan gara jada. Eramandakoa baino askoz gehiago dakargu bueltan, jende berria ezagutu izana, aztertzeke ditugun Drupalen aldedi asko ezagutu izana, Drupal Camp honetako esperientzia eta bizipenak, komunitateak emandako elkarlanaren adibidea eta erosi ditudan Elephpantetxo parea.

Argazkiak ikusi nahi ezkero, DrupalCampSpain 2010 izeneko argazki albuma sortu dut Flickren.

Ostean, kaferako geldiunetxoa eta Presentación de la Colección de libros Aprende Drupal con Forcontu. keynotea izan ditugu.

Jarraian Siddharta Navarroren Open Atrium para la gestión de proyectos para la gestión de proyectos saiora joan gara. Open Altrium proiektuen kudeaketa funtzionaltasuna lortzeko garatutako Drupal banaketa da. Saioa orokorrean, banaketaren funtzionaltasunen birpasaketa izan da. Hasteko, tresnaren erabiltzaile errolak ikusi ditugu (Administraria, managera eta autentikatua) eta ondoren, Dashboard (Kontrol panel pertsonalizagarria), blog (proiektuko bloga), notebook (proiektuko testu editorea, bertsioen kontrol eta guzti), shoutbox (microblogging tresna), calendar (proiektuko egutegia, iCal formatura esportagarria) eta Case Tracker (Ataza eta errore kudeatzailea). Amaitzeko, tresnak hobetu beharreko puntu batzuk eta banaketak dakartzan moduluak ikusi ditugu, hauek banaketatik kanpo independienteki instalatu ahal izateko. Ohar txikitxo bezala, Open Altriumek memoria ugari kontsumitzen duela kontatu digute.

Gero lan azoka heldu zen, honetan enpresa desberdinek kokapen zehatz bat hartzen zuten gela batean, eta lan bila zeudenak gelatik noraezean zebiltzan erabaki hartu eta enpresa batengana joan arte. Azokak jendea mugiarazi du, enpresen kokapenek hamaikatxo pertsona zituztelako inguruan. Nabarmena izan da Investicek lan azoka honetan izandako arrakasta, bere kokapena jendetsuena izan da eta pertsonez gainezka egon da. Pertsonalki, asko poztu nau guk bezala, software librearenganako apustua egiten duen enpresa batengan arrakasta hori ikusteak. Lan azoka eta gero, bazkalordua heldu zen eta guztiok joan ginen jantokira, geratzen ziren hiru saioetarako beharrezko energia berreskuratzera.

Orain SCRUM y la Gestión de Proyectos WEB. Enfoque teórico orientado a la práctica saioa zetorren Jaume Ramoneten eskutik. Saio honek eduki piloa eduki ditu izan duen iraupenerako. Proiektua, etorkizuneko errealitateaten nahia dela eta proiektuen kudeaketa, plangintza egitea, antolatzea, koordinatzea, burutzea eta abar. ahalbidetzen duen tresnen multzoa dela. Orekaren triangelua (helmena, kostua eta denbora) eta Ahalmen eta heldutasun maila (CMM) ere ikusi ditugu, ondoren “poyaque”ak (“Poyaque” estás aquí, podrías hacerme…) kudeatzea garrantzitsua dela entzunez. Ostean, paradigma heuristikoa ikusi dugu paradigma determinista edo itxien kontrapuntu bezala, eta George Pólya arau heuristikoak. Interesgarria iruditu zait ere XX. mendeko proiketu handiak (Manhattan, Apolo, energia nuklear baketsua…) paradigma klasikoaren jatorri bezala identifikatzen zuen atala. Ostean, egin behar genuen proiektuaren arabera paradigma determinista edo heuristikoa erabiltzea gomendatzen zigun taula erakusi zigun Jaumek, eta jarraian paradigma heuristikoa web garapenarekin nola erlazionatu ikusi dugu. Saioaren azken atala SCRUM berari buruzko informazioa izan da, SCRUM, zikloetan oinarritzen den prozesu ideiatibo eta inkrementala da eta proiektu batek aldaketak jasan ditzakela aurreikusten du. Bere baitan teknika ugari biltzen dira, hauen artean 15 minutuko bilera arinak. Drupal proiektu batetan SCRUM aplikatru nahi badugu, bai SCRUM Managerrak zein talde osoak Drupalen nondik norakoak ezagutu behar dituzte. Jaumeren ustetan, SCRUM eta Drupal bikote perfektua dira Drupalek eskeintzen duen modularitatea dela eta. Bukatzeko, proiektuen porroten 10 arrazoi nagusiak ikusi ditugu.

SCRUM y la Gestión de Proyectos web. Experiencias y casos reales. La pareja: scrum + drupal izeneko hurrengo saioan, Investicek hartuko zuen SCRUMen testigua, Miren Arrese eta Karlosen eskutik, SCRUM prozesu errepikakor eta inkrementala dela esanez eta berau erabiltzen izandako esperientziak kontatuz. SCRUM aukeratzeko arrazoi ugari izan zituzten: entregatze planak hobetzea, bezeroarekiko elkarlana hobetzea, prozesua hobetzea… Jaumarekin bat egin zuten Drupal bera SCRUMerako bikaina zenaren ideian. Kontatu zigutenez, SCRUM erabiltzen hasteko ez ziren inongo egiaztagirien zain egon eta modu bizkorrean, garbizaletasun gabe eta hobekuntzarantz esperimentatuz, zuzenean abenturara joan zirela esan dezakegu, eta hoberena, emaitza onak lortu eta gustoko izan zutela da. SCRUMi buruz kontatu duten guztiaren artean, epeak ordutan neurtzen ez direla azpimarratu nahi nuke, epe hauek erabiltzaile istorioetan banatzen dira proiektu bakoitzean eta gero istorio puntuetan balioetsi, isotio puntu hauek honela neurtzen dituzte: Istorio puntua = pertsona / egun ideala, dokumentazioa ere erabiltzaile istorioetan oinarrituz egiten dute. Saioaren amaieran, taldearen abiaduraren kudeaketaz aritu ziren, talde bakoitzak bere abiadura du eta hau modu egokian aurreikustea ezinbestekoa dela. Denbora aurreikuspenak egiteko teknikaren bat edo beste erakutsi digute, baita non aurkitu teknika gehiago. Saio honek ez ditu aurrekoak bezain beste eduki izan, baina puntutxo jostagarri eta esperientza pertsonalez gainezka egon da.

Azkenik, Integración de Drupal con Alfresco ECM a través de CMIS (Content Management Interoperability Services) saiora joan gara, Ibermáticako Roger Carhuatoctok aurkeztu duena, eta gutxienez niretzat, gogo gehienez itxarondako saioa. Saioa, CMS, WCMS, ECM eta CPS bezalako hitzak argituz hasi da, Liferay, Joomla! eta Wordpress bezalako beste CMS batzuekin zer kudeatu dezakegun galdetu eta azalduz eta CMSak, kudeatzen duten edukien arabera, euren kokapena azaltzen zuen mapa bat erakutsi digu, mapa hau http://www.cmswatch.com/ webgunean aurkitu genezake. Jarraian, Drupalen moduluaren konfigurazioa ikustera jo genuen, ondoren Alfrescoren errepositoriora CMIS bitartez nola heldu ikusi dugu, CMIs bitarteko kontsulta bat ere ikusi dugu, SQLren antzeko sintaxia erabiliz. Nahiz eta integrazio hau ikusi dugun, posible da ere Drupal + Open Altium + Alfresco integrazioa lortzea. Edukiari buruz, Drupalen sortutakoa Alfrescon gorde daitekela ikasi dugu, eta Alfrescoren espazio bateko ekintzak CMIS bitartez exekutatu daitezkela, hau, Sinadurarentzat aukera bezala ikusi dut, César Capillasek idatzitako Firma digital y gestion documental al fin juntos: Sinadura loves Alfresco bidalketa kontutan hartuz, Alfrescori PDF bat sinatzea agintzeko aukera dago Drupalen interfazetik CMIS erabiliz. Azkenik, Alfresco atzean duen inplementazio bezala Activisionen webgunea ikusi dugu. 45 minutu ez dira nahikoa izan partehartzaileon egonezina jakintzaz asetzeko, euren artean nirea, hau dela eta, goiz erdian honi buruzko BOFa prestatzeko geratu gara bihar goizean Rogerekin.

Saio hau eta gero, talde argazkia ateratzeko ordua heldu da, bitarean, Drupal eta bere moduluen euskeraketan inguruan Investiceko Karlosekin hitz egiteko aprobetxatu dugu. Guzti hau bukatuta, “atseden hartzera” joan gaitezke.

Guzti hau eta gehiago izan da DrupalCampSpain2010 honen bigarren egunak eman diguna, eta nahiz eta kontu asko ikusi ditugun, eta gaurko eguna bereziki ondo egon den, oraindik Drupal Camp gehiago geratzen zaigu aurretik, eta Drupal + Alfresco BOF hura ere

Ondoren, bazkaltzera joan gara, eta itzultzerakoan, lehendabiziko saiora joan gara Spaces/Context/Features/Purl. Qué es y cómo se come? izenekoa, Alt Pirineuko herrientzat sortutako sare sozial baten Drupal eta Spaces, Context, Features eta Purl moduluen bidezko integrazioari buruzkoa. Spaces bidez taldeak sortzen eta dira, eta hauetariko bakoitza herri batentzat da, espazioen arteko estekak eta URLak Purl moduluaren bidez kudeatzen dira. Features erabiliz espazio hauetan aplikatu daitezken funtzionaltasun ezberdinak garatzen dira. Michael Loughlinek azaldu zigunez, Conext moduluak ez du protagonismo handirik hartzen. Partehartzaile baten ikuspuntuarekin bat egiten dut, nork inplementazio honen konplexutasuna azpimarratzen zuen, baina hizlariak erantzun duen moduan, modulu hauen arteko konbinazio hau Drupalen gabezi hau inplementatzeko beste modu bat da, eta denborarekin hobetzen eta bere erabilera errazten joango da.

Saioa amaituta, eta hurrengoa asi aurretik, aukera bi genituen: LaFarga.cat y punttic.cat. Drupal en la Generalitat de Catalunya keynotea edo ta Drupal eta sakeleko telefonoei buruzko BOFa. BOFera joan ginen, honetan, SMS eta MMS (irudiak, bideoak eta audioak) mezuak Drupalera bidaltzeko modua azaldu digute, hauek telefono zenbaki batetara bidaltzen dira eta zenbaki hau posta helbide batetara berbideratuta dago, Drupal mezu hauekin elikatzen da eta eduki bezala erakusten ditu. Proiektu honen izena VozMob da eta bere kode ta elkarlaneko tresna guztiak eskuragarri daude.

BOFa bukatuta, kafe, zuku eta pasten ordua heldu da Ondoren azkenego saiora joan ginen, ni Como cumplir la LOPD con Drupal saiora joan naiz. Gure Drupalak LOPDa errespeta dezan (halere badirudi bere osotasunean errespetatzea ez dela batere erraza) eta datuen fitxategia AEPDan altan emateko jarraitu beharreko urratsak azaldu dizkigute, praktika zuzen eta oker batzuekin batera. Saioak aurreikusitako denbora baino gehiago behar zuenez, honentzat BOF bat egitea erabaki genuen.  Honetan, Robinson zerrendei eta erabiltzaileen osasun datuak gure Drupalarekin maneiatzean izan beharreko kontu eta arretari buruz hitz egin genuen, beste gai batzuen artean.

Ondorio moduan, lehendabiziko egun hau komunitatearen boterearen, taldelanaren eta koordinaketaren erakustaldia izan da. Saioak, gutxienez nik ikusitakoak, maila onekoak eta kalitate hobekoak izan dira. Partehartzaileak oso aktibo eta interesatuta agertu dira, hizlariak berak aurkezpena bukatu aurretik ere galderak eginez.

Bidalketa hau bukatzeko, drupal.cat eta bolondresen taldeari egiten ari diren lan guztia esketu nahi nieke, bai hallean, koordinaketa lanetan edo ta saioak grabatzen eta stregaming bidez internetetik zuzenean igortzen, gela bakoitzarentzat kanal ezberdin bat dagoelarik.

DrupalCamp urteroko maiztasunarekin burutzen den ekimena da, Drupalen maiteek Drupalen maitaleentzat eginda. Aurtengoan, 250 garatzaile, diseinatzaile, bezero eta enpresarik gora bilduto ditu, nazional zein internazionalak. Ekimen honek asteburu osoko iraupena du, igande eguerdian bukatzen delarik, eta egitarau potolo eta interesgarria dakarkigu.

DrupalCamp honetako bizipenak zylk.neteko blogean isladatuko ditut, zylk.neti esker noanez, zer gutxiago enpresako blogean idaztea baino?